2017 წლის 24 მაისს თბილისში სასტუმრო რედისონ ბლუ ივერიაში გაიმართა ERASMUS + პროგრამის 30 წლის იუბილე, რომელზეც ქუთაისის უნივერსიტეტიდან მიწვეული იყვნენ ქუთაისის ერაზმუს + პროექტების ადგილობრივი კოორდინატორები ლელა ქელბაქიანი და თეა კორძაძე. Erasmus+ დაფინანსებით უნივერსიტეტის სტუდენტებსა და პროფესორებს საშუალება ეძლევათ ისწავლონ და ასწავლონ ევროპის სხვადასხვა ქვეყანაში. ქუთაისის უნივერსიტეტი 2008 წლიდან ჩართულია ერაზმუს პროგრამებში და დღესდღეობით ევროკავშირის მიერ დაფინანსებული პროექტების მიხედვით პირველ ადგილზეა საქართველოს კერძო უნივერსიტეტებს შორის.