.jpeg)
სლოვაკეთის მიერ 2023/2024 აკადემიური სასწავლო წლის ზაფხულის სემესტრისათვის ეროვნული სასტიპენდიო პროგრამა (National Scholarship Program) გამოცხადდა.
განაცხადების წარდგენა შეუძლიათ სტუდენტებს, PhD მკვლევარებს, ასევე უნივერსიტეტის ლექტორებს, მკვლევარებსა და ხელოვანებს. სტუდენტებს და PhD მკვლევარებს განაცხადის წარდგენა შეუძლიათ მგზავრობის დაფინანსებაზე.
უცხოელი აპლიკანტების მიერ განაცხადებები ივსება ონლაინ შემდეგ ვებ-გვერდზე: https://www.scholarships.sk/ ამავე გვერდზე მოცემულია დეტალური ინფორმაცია სასტიპენდიო პროგრამის შესახებ.
სტიპენდიის პროგრამაში განაცხადების წარდგენის ბოლო ვადაა 2023 წლის 31 ოქტომბრის 16:00 სთ ცენტრალური ევროპის დროით. ამასთან, 2023 წლის 13 ოქტომბერს, ცენტრალური ევროპის დროით 14:00 საათზე დაგეგმილია ონლაინ ვებინარის გამართვა სასწავლო და კვლევითი სტიპენდიების თაობაზე.