ქუთაისის უნივერსიტეტში ეკონომისტის, ეროვნული ბანკის პრეზიდენტის მრჩევლის გიორგი ბაქრაძის წიგნის პრეზენტაცია გაიმართა.
წიგნი გიგანტ ეკონომისტებზე მოგვითხრობს, ადამიანებზე რომლებმაც მსოფლიო ისტორია სხვა რელსებზე გადაიყვანეს, სირთულეებს არ შეუშინდნენ და ბოლომდე მიჰყვნენ იმას, რისიც მთელი გულით სჯეროდათ.
პრეზენტაცია ქუთაისის უნივერსიტეტის ბიბლიოთეკაში ჩატარდა. შეხვედრა გახსნა და წარმართა ქუთაისის უნივერსიტეტის რექტორმა, პროფესორმა გოჩა თუთბერიძემ. პრეზენტაციას ქუთაისის უნივერსიტეტის თანამშრომლები, სტუდენტები და სკოლის მოსწავლეები დაესწრნენ.
შეხვედრის დასასრულს წიგნის ავტორმა, დამსწრე საზოგადოების კითხვებს უპასუხა.