დასაქმების ონლაინ ფესტივალი

1-დან 5 მარტის ჩათვლით, HR hub – ისა და World Vision საქართველოს  ორგანიზებით დასაქმების ონლაინ ფესტივალი – ,,გაესაუბრე საიდანაც გინდა” ჩატარდება.

ღონისძიების მიზანია სამსახურის მაძიებლების დაკავშირება დამსაქმებლებთან და დასაქმების ხელშეწყობა. ფესტივალზე წარმოდგენილი იქნება ოცდაათამდე კომპანია და 200-მდე ვაკანსია როგორც თბილისში, ასევე რეგიონებში.

ფესტივალი განკუთვნილია ახალგაზრდებისთვის და ყველა დაინტერესებული ადამიანისთვის.

ფესტივალზე HR მენეჯერები, რეკრუტერები წარმოადგენენ კომპანიებსა და მიმდინარე ვაკანსიებს, რომელთა ნახვაც კანდიდატებს www.Studentjob.ge-ზე შეუძლიათ. დასაქმების მსურველები შეარჩევენ მათთვის სასურველი კომპანიებს, ვაკანსიებს და დარეგისტრირდებიან. ამის შემდეგ კი მათთვის ჩაინიშნება ონლაინ შეხვედრები დამსაქმებლებთან, რომლებიც კანდიდატების დასაქმების გადაწყვეტილებას კონკრეტული ვაკანსიების მოთხოვნების შესაბამისად მიიღებენ.

სამუშაოს მაძიებლებთან შეხვედრის დროს,  კომპანიის წარმომადგენლები ისაუბრებენ თუ რა შეთავაზებები და ვაკანსიები აქვთ, რა არის მათი კომპანიის, როგორც დამსაქმებლის კონკურენტული უპირატესობა, როგორ სამუშაო გარემოს სთავაზობენ დასაქმების მსურველებს.

დასასრულს კი, მსმენელებს კითხვების დასმის საშუალება ექნებათ. შეხვედრები გაიმართება ონლაინ Zoom-ის პლატფორმის გამოყენებით.

• როგორ გარდავქმნათ შესაძლებლობად სამსახურის ძიების პროცესში მიღებული იმედგაცრუება – სპიკერი: ზურა მხეიძე ფსიქოლოგი –  27 თებერვალი 18:00 სთ.
• როგორ მოვახდინოთ დამსაქმებელზე შთაბეჭდილება – სპიკერი: მედეა ტაბატაძე HR კონსულტანტი – 1 მარტი 15:00 სთ;
• როგორ უნდა გამოიყურებოდეს კარგი რეზიუმე, რჩევები HR მენეჯერისგან  SS.ge /Jobs – 1 მარტი 18:00სთ.

დასაქმების ფესტივალში და მასტერკლასებზე დასასწრებად დარეგისტრირდით ლიკზე:  https://forms.gle/ThsrUGNZLLAA1nXx8. 

დარეგისტრირების შემდეგ, კომპანიის ონლაინ სესიის წინ, მონაწილეები SMS შეტყობინების სახით მიიღებენ Zoom – ის  ლინკს, რომლის მეშვეობითაც პირდაპირ მოხვდებიან მათ მიერ წინასწარ შერჩეული დამსაქმებლების სესიებზე.

ონლაინ ფესტივალის უპირატესობები კანდიდატებისთვის:

• გაიცნოთ კომპანია და მათი პირობები;
• გაესაუბროთ დამსაქმებელს ნებისმიერი ადგილიდან;
• დასვათთქვენთის საინტერესო კითხვები;
• სახლიდან გაუსვლელად იპოვოთ სამსახური.