განახევრებული ფასი ქუთაისის უნივერსიტეტისთვის - სასერითიფიკაციო პროგრამა

სახელმწიფო აუდიტის სამსახურის სსიპ - საჯარო აუდიტის ინსტიტუტი აცხადებს  საჯარო სექტორის აუდიტორული მომსახურების სასერტიფიკაციო პროგრამას, რომელიც გაგრძელდება 23 მარტიდან 10 ივლისის ჩათვლით ქ. თბილისში, წმ. ქეთევან დედოფლის გამზირი №96 (სახელმწიფო აუდიტის სამსახურის ადმინისტრაციული შენობა).

საჯარო სექტორის აუდიტორული მომსახურების სასერტიფიკაციო პროგრამა არის საჯარო აუდიტის ინსტიტუტის ექსკლუზიური უფლება, რომელიც ანიჭებს პირს საჯარო სექტორში აუდიტორული მომსახურების განხორციელების უფლებას 5 წლის ვადით.

სასერტიფიკაციო კურსის მიზანია:

• სპეციალური წესების, ხერხებისა და იმ მეთოდების სწავლება, რომლებიც გამოიყენება აუდიტორულ საქმიანობაში აუდიტის საერთაშორისო სტანდარტების (ასს) შესაბამისად
• აუდიტის საკანონმდებლო ბაზის, ასს-ის შინაარსის, მოქმედების სფეროებისა და სტრუქტურის გაცნობა
• აუდიტის საერთაშორისო სტანდარტებში ორიენტაციის უნარის ჩამოყალიბება
• აუდიტორებისთვის საჭირო პრაქტიკული უნარ-ჩვევების გამომუშავება

სასერტიფიკაციო კურსის თემატიკაა:

• ფინანსური აუდიტი
• შესაბამისობის აუდიტი
• ეფექტიანობის აუდიტი
• საბიუჯეტო ორგანიზაციების ბუღალტრული აღრიცხვა და ფინანსური ანგარიშგება
• საქართველოს საბიუჯეტო კოდექსი

შპს ქუთაისის უნივერსიტეტის სტუდენტები და თანამშრომლები აღნიშნულ კურსს გაივლიან ნახევარ  ფასად.

დამატებითი ინფორმაცია შეგიძლიათ იხილოთ, როგორც სახელმწიფო აუდიტის სამსახურის (www.sao.ge), ასევე სსიპ საჯარო აუდიტის ინსტიტუტის ოფიციალურ ვებ-გვერდზე (www.sai.ge), ან დაგვიკავშირდით შემდეგ ნომერზე: 032 2 054 615